PENJELASAN TAJWID KU BASA SUNDA; BACAAN-BACAAN GHORIB

 

الْأَلْفَاظِ الْغَرِيبَة

BACAAN-BACAAN GHORIB

Dina Al Qur’an aya bacaan-bacaan aneh anu teu bisa disaruakeun kana qaidah-qaidah qiroah, di antarana:

1.    Huruf  (ص) anu diluhurna atawa dihandapna aya tanda huruf (س) alit.

a.       يَبْصُــطُQS. Al Baqoroh: 245 macana jadi  يَبْسُــطُ

b.       بَصْــطَةًQS. Al A’rof: 69 macana jadi  بَسْــطَةً

c.        الْمُصَــيْطِرُونَQS. At Thur: 37 wenang dibaca  الْمُسَــيْطِرُونَatawa tetep الْمُصَــيْطِرُونَ  

d.       بِمُصَــيْطِرٍQS. Al Ghosyiyah: 22 macana tetep  بِمُصَــيْطِر

2.    Shifr Mustadir/ Nol buleud ( ^ہ ) nuduhkeun yen huruf anu ditandaanana teu dibaca dina nalika washol jeung waqof. Contoh:

Surat/ Ayat	Lafazh
7:103, 10:75, 11: 97	وَمَلَاْئِهِ
25: 38, 29:38	وَثَمُودَاْ
3:144, 21:34	أَفَاْئِنْ
12:87	لَا تَاْيئَسُوْا
13: 30	لِتَتْلُوَاْ
18:14	لَنْ نَدعُوَاْ
18:23	لِشَايْءٍ
30:39	لِيَرْبُوَاْ
47:4	لِيَبْلُوَاْ
47:31	وَنَبْلُوَاْ
76: 4	سَلَاسِلَاْ
76: 16	قَوَارِيرَاْ

Lafazh anu ditandaan shifr mustadir ieu macana dipendekkeun, sapertos:

 وَمَلَاْئِهِ dibacana jadi وَمَلَئِهِ

Dina sapalih cetakan Al Qur’an aya huruf anu teu dibaca nalika washol oge waqof mung  teu ditandaan  shifr  mustadir.  Biasana  dikosongkeun tina tanda baca sukun ( ــــــــۡـــــ )  . Cara macana teu dimadkeun, sapertos lafazh لِأُوْلِي الأَبصَارِ dina QS. 3: 13 macana jadi لِأُلِي الأَبصَارِ .

Surat/ Ayat	Lafazh
2:5, 16, 27, 39, dll	أولئك
2:269, 3:7, 4:8, dll	أُولُوا
2:179, 197, 4:95, dll	أُولِي
7:145, 21:37	سَأُورِيْكُمْ
65:6	أولات

3.    Shifr Mustathil/ Nol lonjong ( ⁰ ),  nuduhkeun huruf anu ditandaanana teu dibaca dina nalika washol tapi dibaca dina waqof. Nyaeta dina:

Surat/ ayat	Lafazh	Cara Baca
		Washol	Waqof
Al Kahfi: 38	لكِنَّا	لكِنَّ	لكِنَّا
Al Ahzab: 10	الظُّنُونَا	الظُّنُونَ	الظُّنُونَا
Al Ahzab: 66	الرَّسُولَا	الرَّسُولَ	الرَّسُولَا
Al Ahzab: 67	السَّبِيلَا	السَّبِيلَ	السَّبِيلَا
Al Insan: 15	قَوَارِيرَا	قَوَارِيرَ	قَوَارِيرَا
Al Kafirun: 4, dll	أَنَا	أَنَ	أَنَا

4.    Lafazh (مَجْرَىــهَا) QS. Hud: 41 dibaca imalah kubro, nyaeta maca tengah-tengah antara harokat fathah jeung kasroh.

5.    Lafazh (لَا تَأْمَنَّا) QS Yusuf: 11 bisa dibaca tilu wajah:

a.      Isymam harokat, nyaeta nyampurkeun harokat nun sukun kana harokat dhommah, carana lambei  dimonyongkeun jiga bade maca dhommah ngan anu kaluar sora nun sukun;

b.      Ikhfa` harokat (ikhtilas/rum), nyaeta nyamarkeun bari nyepetkeun harokat dhommahna nun ku cara ngurangan sapertilu harokat.

c.       Idghom bighunnah biasa.

6.    Lafazh (ءَآعْجَمِيٌّ) QS. Fusshilat: 44 dibaca tashil (ngentengkeun) nyaeta hamzah anu kadua dibaca tengah-tengah antara makhrojna hamzah jeung makhrojna alif.

7.    Lafazh (وَيَخۡلُدۡ فِيه) QS. Al Furqon: 69 ha` dhomirna dipanjangkeun saperti mad shilah sanajan huruf sateu acana sukun.

8.    Lafazh بِئْسَ الِاسْمُ QS. Al Hujurot: 11 dibacana بِئْسَلِسْمُ , ku mindahkeun (naql) harokat hahzah washol kana lam ta’rif.

Baca juga:

Download Kitab Tajwid Bahasa Sunda

Babagian Idghom dina Ilmu Tajwid (bahasa Sunda)

 

أَحْكَامُ الْإِدْغَامِ

HUKUM – HUKUM IDGHOM

Idghom nyaeta nyampurkeun dua huruf jeung ngasupkeun huruf nu kahiji kanu kadua. Idghom ieu kabagi tilu:

1.        Idghom Mutamatsiain (إدغام متماثلين)

Nyaeta lamun papanggih dua huruf anu sarua makhroj jeung sifatna. Contohna:

اِضْرِبْ بِّعَصَاكَ, بَلْ لَّا يَخَافُونَ, قَدْ دَّخَلُوا, إِذْ ذَّهَبَ    

2.        Idghom Mutajanisain (إدغام متجانسين)

Nyaeta lamun papanggih dua huruf anu sarua makhrojna tapi beda sifatna. Contohna:

 وَقَالَتْ طَّائِفَةُ, أَثْقَلَتْ دَّعَوَا اللهَ, إِذْ ظَّلَمُوا, يَلْهَثْ ذّلِكَ, ارْكَبْ مَّعَنَا

3.        Idgom Mutaqoribain (إدغام المتقاربين)

Nyaeta lamun papanggih dua huruf anu padeukeut makhrojna tapi beda sifatna. Contohna:  , أَلَمْ نَخْلُقْكُّمْ قُلْ رَّبِّ