Kumpulan Teks Khutbah Jum'at Bahasa Sunda Ringkas

  Khutbah Jum'at Bahasa Sunda Ringkas; tahun baru masehi 

الحَمْدُ للهِ الْمَلِكِ الْخَلَّاقِ. الْوَلِيِّ فَلَا وَلِيَّ مِنْ دُونِهِ وَلَا وَاقٍ. فَسُبْحَانَهُ مِنْ إِلهٍ أَحَاطَ عِلْمُهُ بِجَمِيعِ الْخَلَائِقِ فِي جَمِيعِ الآفَاقِ. أَحْمَدُهُ وَأَشْكُرُهُ عَلَى إِحْسَانِهِ الَّذِي لَا يُعَدُّ وَلَا يُطَاقُ. وَأَشْهَدُ أَن لَّا إِلهَ إِلَّا اللهُ وَحْدَهُ لَا شَرِيكَ لَهُ وَلَا ضِدَّ وَلَا نِدَّ وَلَا مُنَازِعَ وَلَا مُشَاقَّ. وَأَشْهَدُ أَنَّ سَيِّدَنَا محمدًا عَبْدُهُ وَرَسُولُهُ وَخَلِيلُهُ أَشْرَفُ الْخَلْقِ عَلَى الْإِطْلَاقِ. اَللّهُمَّ صَلِّ وَسَلِّمْ عَلَى عَبْدِكَ وَرَسُولِكَ محمدٍ وَعَلَى آلِهِ وَأَصْحَابِهِ السُبَّاقِ, إِلَى الْإِيمَانِ وَالْهِجْرَةِ وَالْجِهَادِ وَالْإنْفَاقِ, صَلَاةً وَسَلَامًا دَائِمَيْنِ إِلَى يَوْمِ التَّلَاقِ.

أّمَّا بَعْدُ. فَيَا أَيُّهَا النَّاسُ اتَّقُوا اللهَ تَعَالَى فَإِنَّ التَّقْوَى سَبَبً النَّجَاةِ فِي الدُّنْيَا وَالْآخِرَةِ. قَالَ تَعَالَى فَكَأَيِّنْ مِنْ قَرْيَةٍ أَهْلَكْنَاهَا وَهِيَ ظَالِمَةٌ فَهِيَ خَاوِيَةٌ عَلَى عُرُوشِهَا وَبِئْرٍ مُعَطَّلَةٍ وَقَصْرٍ مَشِيدٍ. أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لَا تَعْمَى الْأَبْصَارُ وَلكِنْ تَعْمَى الْقُلُوبُ الَّتِي فِي الصُّدُورِ.

Hadirin kaum Muslimin Rahimakumullah

Allah Swt. ngadauh dina QS Al-Haj: 45-46 anu nembe diaos, pihartoseunana:

Loba pisan nagara anu Kaula binasakeun dina kaayaan pendudukna zhalim, maka nagara eta runtuh nutupan bangunan-bangunana. Jeung loba pisan sumur anu ditinggalkeun jeung astana-astana anu luhur. Maka naha maranehna teu leleumpangan di bumi sahingga ngabogaan hate anu dipake mikir, atawa cepil anu dipake ngadangu. Maka satemena lain soca anu lolong tapi anu lolong teh hate anu aya dina dada.

Hadirin sidang jumah rahimakumullah

Kaum Allah ngahancurkeun kaum Nabi Nuh ku Banjir, Kaum Nabi Hud nyaeta kaum ‘Ad dihancurkeun ku angin anu banget tarikna. Kaum Nabi Solih Nyaeta Tsamud dibinasakeun ku gorowokna Malaikat Jibril. Kaum Nabi Luth anu nyimpang, resep ka papada jenis (LGBT) diadzab ku gempa angin jeung hujan batu. Kaum Nabi Syuaib nyaeta Madya anu osok nipu jeung ngurangan timbangan dina jual beli disiksa  ku hawa panas anu banget. Firaun jeung bala tentarana ditelemkeun ku Allah di laut merah sabab gumedah ngaku pangeran. Allah Swt nyesakeun peninggalan-peninggalan kaum-kaum anu diadzab, bisa ditingali jeung diteliti ku urang sangkan jadi pelajaran, muka pemahaman jeung lelembutan hate sangkan teu digolongkeun jalma anu lolong paningal hatena.

Hadirin sidang jumah rahimakumullah

Allah ngabinasakeun umat Nabi-Nabi anu kapengker sabab teu daek taat ka Anjeuna jeung teu nurut ka Rasul. Ngamumulekeun teuing dunya sihingga poho kana akhirat. Tuh balesana teu aya saneh karusakan jeung kabinasaan. Maka hayu urang mawas diri ngitung-ngitung kana amal urang, muhasabah jeung ngarumasakeun salah sangkan ditebihkeun tina balahi jeung cocobi. Komo dina momen tahun baru anu biasana pinuh ku acara-acara maksiat, mabok, judi, zina jeung sajabana. Hayu urang salametkeun anak-anak urang baraya urang tina hal-hal anu negatif, anu ngajurumuskeun kana naraka.  

بَارَكَ اللهُ لِي وَلَكُمْ فِي الْقُرآنِ الْعَظِيمِ, وَنَفَعَنِي وَإِيَّاكُمْ بِمَا فِيهِ مِنَ الْآيَاتِ وَالذِّكْرِ الْحَكِيمِ, إِنَّهُ تَعَالَى مَلِكٌ بَرٌّ رَؤُوفٌ رَحِيمٌ.

Khutbah kadua

الْحَمْدُ للهِ كَمَا يَجِبُ عَلَيْنَا مِنْ حَمْدِهِ وَتَعْظِيمِهِ, وَنَشْكُرُهُ سُبْحَانَهُ عَلَى إِحْسَانِهِ وَتَكْرِيمِهِ. أَشْهَدُ أَن لَّا إِلهَ إِلَّا اللهُ وَحْدَهُ لَا شَرِيكَ لَهُ فِي رُبُوبِيَّتِهِ وَإلهِيَّتِهِ وَأَسْمَائِهِ وَصِفَاتِهِ, شَهَادَةً مُبَرَّأَةً مِنَ الشِّرْكِ وَالشُّكُوكِ سَلِيمَةً. وَأَشْهَدُ أَنَّ سَيِّدَنَا محمدًا عَبْدُهُ وَرسولُهُ الْمَخْصُوصُ مِنَ الرَّبِّ بِكَمَالِ قُرْبِهِ وَتَقْدِيمِهِ. اللّهُمَّ صَلّ وَسلِّمْ عَلَى عَبْدِكَ وَرسولِكَ محمدٍ وَعَلَى آلِهِ وَأصحابِهِ وَمَنِ اقْتَفَى شَرْعَهُ الْمُطَهَّرَ وَاتَّبَعَ مِلَّتَهُ الْقَوِيمَةَ.

أمّا بعد. فَيَا أَيُّهَا الناسُ اتَّقُواللهَ وَأَطِيعُوهُ, وَتَزَوَّدُوا فَإِنَّ خَيْرَ الزَّادِ التَّقْوَى, وَاحْذَرُوا أَسْبَابَ سَخَطِ الْجَبَّارِ فَإنَّ أَجْسَامَكُمْ عَلَى النَّارِ لَا تَقْوَى, وَاعْلَمُوا أَنَّكُمْ غَدًا بَيْنَ يَدَيِ اللهِ مَوْقُوفُونَ, وَبِأَعْمَالِكُمْ مَجْزِيُّونَ, وَعَنْ أَفْعَالِكُمْ مُحَاسَبُونَ, وَعَلَى تَفْرِيطِكُمْ نَادِمُونَ, وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ.

ثُمَّ اعْلَمُوا أَنَّ اللهَ سبحانه وتعالى أَمَرَكُمْ بِأَمْرٍ بَدَأَ فِيهِ بِنَفْسِهِ, وَثَنَّى فِيهِ بِمَلَائِكَتِهِ الْمُسَبِّحَةِ بِقُدْسِهِ, وَثَلَّثَ بِكُمْ أَيُّهَا الْمُؤْمِنُونَ مِنْ جِنِّهِ وَإِنْسِهِ, فَقَالَ جَلَّ مِنْ قَائِلٍ عَلِيمًا إِنَّ اللهَ وملائكتَهُ يُصَلُّونَ عَلَى النَّبِيِّ يَا أيها الذين أمنوا صَلُّوا عَلَيْهِ وَسَلِّمُوا تسليما. اللهم صَلِّ وسلِّمْ على عبدِكَ ورسولِكَ محمدٍ صَاحِبِ الْوَجْهِ الْأَنْوَرِ وَالْجَبِينِ الْأَزْهَرِ, وَارْضَ اللّهُمَّ عَنْ أَصْحَابِ نَبِيِّكَ أَجْمَعِينَ, وَعَنِ التّابِعِينَ وَتَابعِ التَّابِعِين َوَمَنْ تَبِعَهُمْ بِإِحْسَانٍ إِلَى يَوْمِ الدِّينِ, وَعَنَّا مَعَهُمْ بِمَنِّكَ وَكَرَمِكَ وَرَحْمَتِكَ يَا أرحم الراحمين. آمين

اللهم أَعِزَّ الْإسلامَ والمسلمين, وَأَذِلَّ الشِّرْكَ وَالمشركين, وَدَمِّرْ أَعْدَاءَ الدِّينِ, وَاجْعَلْ هذَا الْبَلَدَ آمِنًا رَخَاءً سَخَاءً وَسَائِرَ بِلَادِ الْمُسلِمين, اللهم أَصْلِحْ وُلَاةَ أُمُورِنَا , وَاجْعَلْ وِلَايَتَنَا فِيمَنْ خَافَكَ وَاتَّقَاكَ وَاتَّبَعَ رِضَاكَ يَا أرحم الراحمين, اللهم اغفر للمسلمين والمسلمات والمؤمنين والمؤمنات الأحياءِ مِنْهُمْ وَالأمواتِ, اللهم ادْفَعْ عَنَّا الْغَلَا وَالْوَبَا وَالرِّبَا وَالزِّنَى وَالْزَلَازِلَ وَالْمِحَنَ, وَسُوءَ الْفِتَنِ مَا ظَهَرَ مِنْهَا وَمَا بَطَنَ, عَنْ بَلَدِنَا هذَا خَاصَّةً, وَعْنْ سَائِرِ بِلَادِ المسلمين عَامَّةً يَا ربَّ العالمين, ربنا آتنا في الدنيا حسنة, وفي الآخرة حسنة وقنا عذاب النار.

عِبَادَ اللهِ, إنَّ اللهَ يَأْمُرُكُمْ بِالْعَدْلِ وَالْإحْسَانِ, وَإيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ, وَاذْكُرُوا اللهَ العظيمَ الجليلَ يَذْكُرْكُمْ, وَاشْكُرُوهُ عَلَى نِعَمِهِ يَزِدْكُمْ وَلَذِكْرُ اللهِ أَكْبَرُ وَاللهُ يَعْلَمُ مَا تَصْنَعُونَ.

Khutbah Jum'at Basa Sunda; Dosa

الحمد لله مبدع الكون ومنشيه, وموجده من عدم ومبديه, تعالى عن الاحتياج الى أخبار أوتنبيه,وتقدس عن مثل وشبيه. أحمده سبحانه على إحسانه الذي لا أحصيه,و أشكره على متراكم فضله ومترادف أياديه, وأستغفره وأتوب إليه واستهديه.
أشهد أن لا اله الا الله وحده لا شريك له في ربوبيته والهيته و أسمائه وصفاته, شهادة أدخرها ليوم يفر المرأ من أخيه وأمه وأبيه وصاحبته وبنيه, لكل امرء منهم يومئذ شأن يغنيه. وأشهد أن سيدنا محمدا عبده ورسوله معلم الايمان وهاديه. اللهم صل وسلم على عبدك ورسولك محمد وعلى اله وأصحابه وذويه, ومن حسنت في الاسلام سيرته ومساعيه.

أما بعد فيا أيها الناس اتقوا الله تعالى واهجروا الفواحش والاثام, وبادروا التوبة من المعاصي والأجرام , قبل تصرم الأجال وورود الحمام. قال تعالى وسارعوا الى مغفرة من ربكم وجنة عرضها السماوات والأرض أعدت للمتقين

Hadirin kaum muslimin sidang jum’ah rahimakumullah

Allah SWT marentah sangkan urang ngajauhan kagorengan jeung dosa. lamun ditingali tina gede leutikna, dosa teh kabagi dua, nyaeta dosa gede anu disebut kabair, jeung dosa leutik anu disebut shogoiir atawa sayyiat. Nurutkeun keterangan para ulama dosa gede teh jumlahna aya 17, sedengkeun dosa leutik mah loba pisan. Eta 17 dosa gede teh dibagi-bagi nurutkeun anggota badan anu milampahna.

      4 rupa dosa ayana dina hate, nyaeta musyrik, langgeng milampah maksiat, putus harepan tina rohmat Allah, jeung ngarasa aman tina ancaman siksa Allah.

      4 dosa aya dina lisan nyaeta saksi palsu atawa bohong, nuduh jalma hade milampah zina, sihir, jeung sumpah palsu.

      3 rupa ayana dina beuteung, nyaeta nginum zat anu matak mabok kayaning arak, narkotik, jeung sabangsana anu matak ngaruksak akal, ngadahar duit renten atawa riba, jeung ngadahar harta budak yatim.

      2 rupa dina farji, nyaeta zina jeung liwath (homosex)

      2 rupa dina leungeun nyaeta maehan jeung maling.

      Sarupa aya dina suku nyaeta kabur tina peperangan

      Sarupa deui aya dina sakabeh anggota badan nyaeta doraka ka indung bapa.

Sim kuring moal ngawincik dosa leutik tapi nguningakeun yen dosa-dosa leutik teh bisa jadi dosa gede kulantaran sababaraha sabab:

1.       Lantaran dipigawe terus-terusan bari dibiasakeun

2.       Lantaran ngangap remeh

3.       Ngarasa suka tur bungah dina milampahna

4.       Nganggap sepi atawa euweuh kasieun kana siksaan Allah kulantaran migawe eta dosa

5.       Kusabab wani ngalakukeun eta dosa sacara terang-terangan  dihareupeun loba jalma

6.       Dosa leutik anu dipigawe ku jalma ngarti oge bisa robah jadi  dosa gede

Para wargi kaum muslimin anu mulya

Anu pangheulana kudu dujauhan ku urang nyaeta dosa-dosa anu kaasup golongan kabair atawa dosa gede. Insya Allah kungajauhan dosa gede Allah baris ngahampura atawa nutupan dosa-dosa urang anu leutik. Dawuhan Allah dina QS An Nisa: 31

ان تجتنبوا كبائر ما تنهون عنه نكفر عنكم سيآتكم وندخلكم مدخلا كريما

Lamun aranjeun ninggalkeun dosa-dosa anu garede anu dilarang migawena pasti kami nutupan kasalahan-kasalahan aranjeun, jeung kami pasti ngasupkeun aranjeun kana pangasupan anu mulya

Hadirin sadaya, tina sakitu lobana dosa gede aya hiji dosa anu moal dihampura ku Allah SWT, lamun urang maot netepan kana eta dosa nyaeta musyrik ka Gusti Allah SWT, dawuhan Allah dina QS An Nisa: 48:

ان الله لا يغفر أن يشرك به ويغفر ما دون ذلك لمن يشاء

Saenyana Allah moal ngahampura dosa jalma anu musyrik ka anjeuna, tapi baris ngahampura sagala dosa nu sejenna ka jalma anu dikersakeun ku anjuena.

Hadirin kaum mu’minin anu dipikawelas ku Allah

Kawajiban manusa anu boga dosa nyaeta buru-buru taubat, sangkan tetep meunang kabagjaan, dawuhan Allah  

وتوبوا ال الله جميعا أيه المؤمنون لعلكم تفلحون

Prak tarobat aranjeun kabeh he jalma mu’min sangkan aranjeun menang kabagjaan (annur: 31)

وسارعوا الى مغفرة من ربكم وجنة عرضها السموات والأرض أعدت للمتقين

Jeung kudu buru-buru aranjeun kana panghampura pangeran aranjeun jeung kana surga anu legana salega langit jeung bumi anu disiapkeun pikeun jalma anu taqwa (Ali Imron: 133)

Malahan kudu diusahakeun sangkan tobatna teh taubatan nashuhan, taubat anu bener-bener, tobat anu punih ku rasa hanjakal ku laku goreng anu geus dipilampah tuluy disambung deui ku laku hade , ngajauhan sagala maksiyat, seja kuat moal milampah deui, nyakitu lisanna dipake istighfar, hatena dipake eling ka pangeran sarta anggota badana dipake migawe kahadean. Tah nu kitu nu disebut taubatan nashuha.  

بارك الله لي ولكم في القرآن العظيم, ونفعني واياكم بما فيه من الايات والذكر الحكيم, انه تعالى ملك بر رؤوف رحيم, فاستغفروه فيا فوز المستغفرين. ويا نجاة التائبين

   Khutbah Jum'at basa sunda (Jaminan Surga)

Hadirin kaum muslimin sidang jum’ah rahimakumullah

Mangga urang sami-sami merhatoskeun pidawuh Rasulullah Saw ieu:

عن عبادة ابن صامت قال النبي صلى الله عليه وسلم: اضْمَنُوا لِي سِتًّا مِنْ أَنْفُسِكُمْ أَضْمَنْ لَكُمْ الْجَنَّةَ اصْدُقُوا إِذَا حَدَّثْتُمْ وَأَوْفُوا إِذَا وَعَدْتُمْ وَأَدُّوا إِذَا اؤْتُمِنْتُمْ وَاحْفَظُوا فُرُوجَكُمْ وَغُضُّوا أَبْصَارَكُمْ وَكُفُّوا أَيْدِيَكُمْ. رواه أحمد

“Aranjeun kudu ngajamin genep perkara, kuring ngajamin aranjeun ku sawarga. Kahiji dimana nyarita kudu bener, kadua kudu nohonan jangji, katilu kudu ngaraksa amanat upama diamanatan, kaopat jaga farji aranjeun, kalima tundukeun paningal, jeung kagenep raksa leungeun aranjeun (riwayat Ahmad)

Hadirin sadaya Rasulullah ngajamin urang ku surga asal urang urang sadaya nyumponan kana genep perkara:

1.       Kedah leres dina cariosan

Islam ngajarkeun urang sangkang ngaraksa lisan, sagala rupi ucapan anu medal tina lisan tangtos dicatet ku malaikat Rakin jeung Atid, numawi urang kedah ngusahakeun sangkean sadaya ucapan urang leres saluyu sareng kenyataana.

2.       Nohonan jangji

Kanjeng Nabi Muhammad Saw ngadawuhkeun yeun diantara ciri jalma munafik aya tliu dimana nyarita ngabohong, dimana jangji sulaya, jeung dimana diamanatan khiyanat.

3.       Miara amanat

Allah masrahkeun amanah ka manusa sangkan ngurus alam dunia sangkan hirup saluyu jeung aturan agama. Amanah ieu teu dipasrahkeun ka makhluk sejen sakumaha kaunggel dina Al Qur’an Surah al Ahzab: 72

Saenyana Kami geus nawarkeun amanat ka langit, ka bumi jeung ka gunung-gunung, tapi kabeh embungeun narima, sabab sieun khiyanat, tapi ku manusa mah ditarima ngan manusa loba zhalim jeung bodo.

Manusa disebut zhalim jeung bodo lantaran kanyataana loba khiyanat kana amanat, ngalanggar kana aturan Allah.

4.       Miara kahormatan farji

Agama netepkeun aturan nikah sangkan manusa bisa ngajaga kahormatan jeung turunan. Pergaulan bebas nyababkeun rupa-rupa panyakit jeung karugian-karugian sejena.     

5.       Nundukeun paningal tinu haram

Diantawis cara ngajaga kahormatan farji nyaeta ku nundukeun paningal tina sakur anu harom.

6.       Miara panangan

Urang kedah tiasa ngagunakeun panangan urang ku amal sholeh, ulah dugi ka digunakeun dina perkara nu diharamkeun, saperti maling, maehan, ngedarkeun narkotika jeung sajabana.

Hadirin sidang Jumah rahimakumullah!

Eta aturan-aturan Allah, sing saha jalma taat ka Allah jeung rasulna  Allah pasti ngalebetkeuna ka surga anu ngalir di handapna walungan-walungan bari langgeung dijerona, eta mangrupakeun kabagjaan anu agung

تِلْكَ حُدُودُ اللَّهِ وَمَنْ يُطِعِ اللَّهَ وَرَسُولَهُ يُدْخِلْهُ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَذَلِكَ الْفَوْزُ الْعَظِيمُ.

بارك الله لي ولكم في القرآن العظيم, ونفعني واياكم بما فيه من الايات والذكر الحكيم, انه تعالى ملك بر رؤوف رحيم, فاستغفروه فيا فوز المستغفرين. ويا نجاة المتقين.

Khutbah Jum'at basa sunda (Muhasabah Diri)

الحمد لله فارج الكربات ومجيب الدعوات, ومضاعف الحسنات وغافر الخطايا والزلات. احمده حمدا يملأ الكائنات, وأشكره على ما أولاه من الاحسان والكرامات. أشهد أن لا اله الا الله وحده لا شريك له في أفعاله وأسماء له والصفات, وأشهد أن سيدنا محمدا عبده ورسوله سيد السادات,  والهاد الى النجاة والمحذر من الضلالات. اللهم صل وسلم على عبدك ورسولك محمد واله وأصحابه أولي الفضائل والكرامات, صلاة وسلاما دائمين متعاقبين بتعاقب الاوقات.

أما بعد. فأيها الناس اتقوا الله تعالى, وحاسبوا الاعمال والطاعات. قال تعالى أعوذ بالله من الشيطان الرجيم اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ

Hadirin sidang jumat rohimakumullah

Dina QS al-anbiya: 1 Allah Swt ngadawuh

اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ

Geus deukeut ka manusa poe ngahisab amalan maranehna, sedengkeun maranehna aya dina lali tur ngabalieur.

Allah Swt. ngemutkeun sangkan manusa teu lali kana ayana hisab dina poe qiyamah. Sagala amalan manusa bakal dietang boh hade atawa goreng, leutik atawa gede.

Kanyataana manusa loba poho kana diri sorangan. Poho yen diri loba kasalahan, teu sadar yen hate loba kaeunteupan panyakit anu ngaruksak ganjaran, tina hasad, riya, ujub jeung sum’ah. Nyana yen diri sorangan kaasup jalma anu soleh anu loba migawe hade.Padahal Allah Swt ngadawuh:

أَمْ حَسِبَ الَّذِينَ اجْتَرَحُوا السَّيِّئَاتِ أَنْ نَجْعَلَهُمْ كَالَّذِينَ آَمَنُوا وَعَمِلُوا الصَّالِحَاتِ سَوَاءً مَحْيَاهُمْ وَمَمَاتُهُمْ سَاءَ مَا يَحْكُمُونَ

Naha jalma-jalma anu migawe goreng nyangka yen Kuring ngajadikeun maranehna saperti jalma-jalma anu migawe hade, nyangka yen kaayaan hirupna di akhirat bakal sarua jeung kaayaan hirupna di dunya. Goreng pisan naon anu dipastikeun ku maranehna. QS Al Jatsiyah: 21.

Hadirin kaum muslimin rohimakumullah.

Mangga urang sami introspeksi diri, milang-milang amalan-amalan urang salami hirup. Ngajauhkeun diri tina ujub, nyaeta nyangka diri loba amal hadena, meureumkeun panon tina kasalahan-kasalahan sorangan, nganggap batur asor tur goreng amalna. Urang kedah emut yen manusa bakal mulang ka Allah Swt. sareng Allah baris ngahisab sadaya amal kawulana. ان الينا ايابهم ثم ان علينا حسابهم

بارك الله لي ولكم في القرآن العظيم, ونفعني واياكم بما فيه من الايات والذكر الحكيم, انه تعالى ملك بر رؤوف رحيم

Khutbah Jum'at basa sunda (Amar Ma'ruf Nahy Munkar) 

الحمد لله معز من أطاعه واتقاه, ومذل من خالف أمره وعصاه. أحمده سبحانه حمدا يملأ أرضه وسماه, وأشكره على سوابغ نعمه والاه. أشهد ان لا اله الا الله لا شريك له ولا معبود سواه. وأشهد أن سيدنا محمدا عبده ورسوله وخيرته من أنبيائه وأصفياه. اللهم صل وسلم عليه وعلى اله وأصحابه ومن اقتفاه.

أما بعد. فيا أيها الناس اتقوا الله ومروا بالمعروف وانهوا عن المنكر كما نهاه. قال تعالى ولتكن منكم أمة يدعون الى الخير ويأمرون بالمعروف وينهون عن المنكر وألئك هم المفلحون.

Hadirin sidang jumat rohimakumullah

Dina surat Ali Imron: 104 anu nembe diaos, Allah Swt. Marentah jalma anu iman marentah kana kahadean sareng nyegah kana kamunkaran. Amar ma’ruf nahi munkar ieu teu kenging dikantunkeun ku jalma-jalma anu iman di tempatna, sahingga bakal nyababkeun siksa nu diturunkeun ku Allah ka satiap jalma di eta tempat boh anu doraka atawa anu taat. Imam Ahmad bin Hanbal ngariwayatkeun hadits ti Ummi Salamah Ra. Garuwan kanjeng Nabi Saw, anjeuna ngadawuh: kuring ngupingkeun kanjeng Nabi ngadawuh:

اذا ظهرت المعاصي في أمتي عمهم الله عز وجل بعقاب من عنده. الحديث ...

Dimana-mana geus pertela maksiat ti umat kuring maka Allah bakal nurunkeun siksa ka sakabehna.

Kaum muslimin rohimakumullah.

Amar ma’ruf nahi munkar teh hukumna fardhu kifayah. Pami teu aya anu ngalaksanakeuna maka dosa sadayana muslim di eta tempat maksiat. Amar ma’ruf nahi munkar oge kedah ngaraksa kana adab-adabna, sakumaha dicontohkeun ku kanjeng Nabi Saw. Kedah aya strategi anu hebat sangkan kamunkaran anu katembong tiasa dileungitkeun bari teu nimbulkeun kamadharatan anu langkung gede. Sakumaha dakwah kedah didugikeun secara bijaksana, pitutur anu sae, sareng argumen anu kuat.

ادع الى سبيل ربك بالحكمة والموعظة الحسنة وجادلهم بالتي هي أحسن إن ربك هو أعلم بمن ضل عن سبيله وهو أعلم بالمهتدين

بارك الله لي ولكم في القرآن العظيم, ونفعني واياكم بما فيه من الايات والذكر الحكيم, انه تعالى ملك بر رؤوف رحيم

 Khutbah Jum'at Basa Sunda (Sabar)

الحمد لله أهل الحمد والثناء ، المتوحد بصفات المجد والعلاء، المؤيد صفوة الأولياء بقوة الصبر على السراء والضراء, والشكر على البلاء والنعماء، أشهد أن لا اله الا الله  المنفرد برداء الكبرياء وأشهد أن محمدا عبده ورسوله سيد الأنبياء, اللهم صل وعلى سيدنا محد و آله أصحابه سادة الأصفياء والأتقياء, صلاة محروسة بالدوام عن الفناء.

أما بعد فيا أيها الناس اتقوا الله تعالى واصبروا فإنه سبب وفاء الأجر في الآخرة . قال تعالى: مَا عِنْدَكُمْ يَنْفَدُ وَمَا عِنْدَ اللَّهِ بَاقٍ وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ

Hadirin kaum muslimin rohimakumullah

Dina QS. An-Nahl: 96 Allah Swt. ngadawuh:

مَا عِنْدَكُمْ يَنْفَدُ وَمَا عِنْدَ اللَّهِ بَاقٍ وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ

Anu hartosna: Naon anu dipimilik ku aranjeun bakal beak, sedengkeun anu aya di sisi Allah eta langgeng, jeung kaula pasti bakal ngabales jalma-jalma anu sabar ku ganjaran anu lewih hade tina amal nu dipigawe.

Dina ayat ieu Allah Swt. ngelingan yen dunia anu ku urang dipimilik, harta anu ku urang dibeberik pasti musnahna. Sedengkeun ganjaran di sisi Allah nyaeta sawarga langgeng taya seepna.

Allah Swt. oge marentah urang sangkan sabar, sabar ku sabar urang bakal meunang ganjaran pang hadean.

Hadirin siding jum’at rohimakumullah!

Ari sabar teh seueur macemna. Kahiji sabar dina midamel ibadah, tegesna ngadalian diri pikeun migawe ibadah kalayan sampurna. Kadua sabar nalika mushibah, tegesna teguh hate dimana meunang cocoba, boh rupa kakurangan harta, kapapatenan, kacilakaan, atanapi kakeunaan ku panyakit. Katilu sabar nyanghareupan dunya, tegesna ngeker diri sangkan teu ka beungkeut ku kani’matan dunia nepika poho kana urusan akherat. Kaopa sabar tina maksiat, hartina ngadalian diri supaya henteu migawe maksiat. Kalima  sabar dina jihad di jalan Allah. maksadna kuat dina mayunan pilara jeung cocoba dina berjuang ngadekkeun Agama Islam.

Hadirin rohimakumullah

Mangga urang ngalatih diri urang sangkan bisa sabar dina widang-widang anu tadi disebatkeun, ku kituna urang kalebet jalmi anu bener-bener aya dina kataatan ka Allah jeung taqwa.

وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ أُولَئِكَ الَّذِينَ صَدَقُوا وَأُولَئِكَ هُمُ الْمُتَّقُونَ

بارك الله لي ولكم في القرآن العظيم, ونفعني واياكم بما فيه من الايات والذكر الحكيم, انه تعالى ملك بر رؤوف رحيم, فاستغفروه فيا فوز المستغفرين. ويا نجاة التائبين.

Khutbah Jumat Basa Sunda Ringkes "perumpamaan Dunia"

الحمد للهِ الْعَلِيِّ الْقَاهِر، اَلْمَلِكِ السُّلْطَانِ الْقَادِر، عَالِمِ الْغَيْبِ وَالشَّهَادَةِ وَالْمُطَّلِعِ عَلَى السَّرَائِرِ. أَحْمَدُهُ عَلَى إحْسَانِهِ الْمُتَظَاهِر، ,وَأَشْكُرُهُ وَقَدْ وَعَدَ بِالْمَزِيدِ لِلشَّاكِر. أَشْهَدُ أَن لَّا إِلهَ إلَّا اللهُ وَحْدَهُ لَا شَرِيكَ لَهُ وَلَا مُعِينَ وَلَا مُظَاهِر، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ الْمُطَهَّرَ الطَّاهِر.اَلْمُؤَيَّدُ بِالْآيَاتِ وَالْمُعْجِزَاتِ وَالْبَصَائِر. اَللّهُمَّ صَلِّ وَسَلِّمْ عَلَى عَبْدِكَ وَرَسُولِكَ مُحَمَّدٍ وَعَلَى آلِهِ وَأَصْحَابِهِ أُولِي الْفَضَائِلِ وَالْمَفَاخِر.  أَمَّا بَعْد. فَيَا أَيُّهَا النَّاسُ اتَّقُوا اللهَ تَعَالَى وَاعْمَلُوا لِيَوْمٍ تُحْصَى فِيهِ الْكَبَائِرُ وَالصَّغَائِر. قال الله تعالى: وَٱضۡرِبۡ لَهُم مَّثَلَ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ فَأَصۡبَحَ هَشِيمٗا تَذۡرُوهُ ٱلرِّيَٰحُۗ وَكَانَ ٱللَّهُ عَلَىٰ كُلِّ شَيۡءٖ مُّقۡتَدِرًا ٤٥ ٱلۡمَالُ وَٱلۡبَنُونَ زِينَةُ ٱلۡحَيَوٰةِ ٱلدُّنۡيَاۖ وَٱلۡبَٰقِيَٰتُ ٱلصَّٰلِحَٰتُ خَيۡرٌ عِندَ رَبِّكَ ثَوَابٗا وَخَيۡرٌ أَمَلٗا ٤٦

Hadirin ahli jum’ah rohimakumullah

Allah Swt. Maparin kanikmatan ka urang di dunia ieu anu kalintang seueurna. Eta kanikmatan anu katampi ku urang mangrupikeun cocobi ti Allah Swt. Sangkan katembong saha jalma anu bener-bener syukur atawa kufur.

Sajatina kahirupan di dunia ieu namung sakedap lamun dibandingkeun kana kahirupan di akhirat jaga anu langgeng. Loba jalma nu katipu ku kaendahan perhiasan dunia sahingga poho yen manehna bakal maot jeung narima balesan amalna di akhirat.

Dina QS. Al-Kahf ayat ka 45 Allah ngadamel perumpamaan kahirupan dunia, Mantena ngadawuh:  

وَٱضۡرِبۡ لَهُم مَّثَلَ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ فَأَصۡبَحَ هَشِيمٗا تَذۡرُوهُ ٱلرِّيَٰحُۗ وَكَانَ ٱللَّهُ عَلَىٰ كُلِّ شَيۡءٖ مُّقۡتَدِرًا ٤٥

Pek anjeun (Muhammad) nyieun perumpamaan pikeun kaum anjeun  kana haripan dunia saperti cai hujan anu turun ti langit tuluy nyuburkeun tutuwuhan di bumi, tapi eta tutuwuhan teu lila jadi garing kabawa ku angin. Jeung Allah maha kawasa kana sakur perkara.

Hadirin kaum muslimin rohimakumullah

Jalma anu ngagunakeun akal sehatna tangtu moal ngajadikeun dunia tujuan utamana. Tapi dunia ieu dijadikeun pelantara pikeun kahirupan di akhirat. Hartana dijadikeun ladang ibadah ku nulungan papada muslim, zakat, sodaqoh, munggah haji, jeung amalan sanesna. Anak anu dipikanyaah pasti dididik sangkan jadi anak sholeh sahingga bisa nulungan jeung nyalametkeun tina siksaan naraka. Dina ayat salajengna Al-Kahf ka 46 Allah ngadawuh:

ٱلۡمَالُ وَٱلۡبَنُونَ زِينَةُ ٱلۡحَيَوٰةِ ٱلدُّنۡيَاۖ وَٱلۡبَٰقِيَٰتُ ٱلصَّٰلِحَٰتُ خَيۡرٌ عِندَ رَبِّكَ ثَوَابٗا وَخَيۡرٌ أَمَلٗا ٤٦

Harta jeung anak-anak mangrupikeun papaes kahirupan dunia, jeung amalan langgeng anu soleh eta leuwih hade ganjaranana mungguh Pangeran anjeun jeung leuwih hade diarep-arep.

Albaqiayatussolihat dina ayat tadi numutkeun Sayyidina Utsman bin Affan Ra. nyaeta kalimat:

 سبحان الله والحمد لله ولا إله إلا الله والله أكبر ولا حول ولا قوة إلا بالله العلي العظيم   

Numutkeun Syeikh Assy’rawi Albaqiayatussolihat hartosna  harta anu dishodaqohkeun, dumasar kana hadits riwayat muslim

ليس لك من دنياك إلا ما أكلت فأفنيت أو لبست فأبليت، أو تصدقت فأبقيت

Teu aya milik anjeun tina dunia anging anu didahar ku anjeun tuluy beak, atawa anu dipake tuluy ruksak atawa anu disodaqohkeun tuluy langgeng.

Hadirin ahli jumah anu mulya

Dumasar kana ayat-ayat tadi yen kanikmatan dunia ieu namung samentara jeung kanikmatan anu sajati ayana diakhirat, mangga urang jantenkeun kanikmatan dunia ieu pelantara pikeun ngahontal kanikmatan anu haqiqi di akhirat, ku nyeueurkeun sodaqoh, ngabantos anu mikabutuh, ngadidik anak sangkan jadi jalmi soleh anu teu weleh ngaduakeun ibu ramana nalika masih jumeneng atawa atos ngantunkeun. Oge nyeueurkeun dzikir diantawisna kalimah

سبحان الله والحمد لله ولا إله إلا الله والله أكبر ولا حول ولا قوة إلا بالله العلي العظيم   

بَارَكَ اللهُ لِي وَلَكُمْ فِي الْقُرآنِ الْعَظِيمِ, وَنَفَعَنِي وَإِيَّاكُمْ بِمَا فِيهِ مِنَ الْآيَاتِ وَالذِّكْرِ الْحَكِيمِ, إِنَّهُ تَعَالَى مَلِكٌ بَرٌّ رَؤُوفٌ رَحِيمٌ.